Almatylyqtarǵa jylý jelileri ornalasqan jerlerge kólik qoımaýǵa keńes berildi
ALMATY. QazAqparat - Almatylyqtarǵa jylý jelileri synaqtan ótkiziletin jerlerge kólik qoımaýǵa keńes berildi, dep habarlaıdy QazAqparat tilshisi.
31 tamyz ben 17 qyrkúıek aralyǵynda túngi saǵat 03:00-den tańǵy saǵat 7:00-ge deıin Almatynyń 8 aýdany aýmaǵynda jylý jelileri synaqtan ótkiziledi.
«Qaýipsizdik sharalaryna qaramastan jerdiń betine sý nemese býdyń shyǵýy, jol jabynynyń buzylýy sııaqty shtattan tys jaǵdaılar bolýy múmkin»,- dep habarlady «Almaty jylý júıesi» JShS.
Jylý jelilerin synaqtan ótkizý kestesi (kósheler boıynsha) myna jerden tanysýǵa bolady.
Atalǵan aýmaqtarda turatyn barlyq tutynýshylarǵa ystyq sý berý toqtatylmaıdy.
Gıdravlıkalyq synaq qalalyq jylý keshenin aldaǵy jylytý maýsymyna daıyndaý aıasynda jylý jelileriniń jaǵdaıyn baǵalaý jáne qubyrlardyń problemalyq ýchaskelerin anyqtaý úshin júrgiziledi.
