Almatylyqtarǵa «Jasyl aýla» aktsııasy aıasynda tegin 1700 kóshet taratyldy
ALMATY. QazAqparat - Almatyda «Jasyl aýla» aktsııasy aıasynda turǵyndarǵa tegin kóshet taratylýda. Almatylyqtardyń 1700 kóshet alýǵa nıet bildirgen 133 ótinimi maquldandy, dep habarlaıdy QazAqparat tilshisi qala ákimdigine silteme jasap.
Aktsııa aıasynda Bostandyq, Naýryzbaı jáne Alataý aýdandarynyń turǵyndary belsendilik tanytty. Ekologııa jáne qorshaǵan orta basqarmasynyń mamandary ótinishter boıynsha kóshetterdi taratý jumysyna kiristi.
«Aǵash otyrǵyzý jumystary 2022 jyldyń 27 qazanynan bastalady. Kóshetterdi taratý 3 qarashaǵa deıin kelesi mekenjaı boıynsha júzege asyrylady: Almaty qalasy Alataý aýdany, Uljan-2 shaǵyn aýdany, Bertaıyzy k-si, 24. Kóshetterdi otyrǵyzǵan soń, olardyń fotoesepterin jiberý qajet», - delinedi habarlamada.
Eske salsaq, Almatyda «Jasyl aýla» aktsııasy aıasynda 17-25 qazan aralyǵynda ótinimder qabyldanatynyn habarlanǵanbyz . Ol arqyly kópqabatty úılerdiń aýlasy men qoǵamdyq keńistikterdi kógaldandyrýǵa nıetti almatylyqtarǵa shaǵan, úıeńki, shegirshin, terek, qaraǵan men qaıyńnyń kóshetterin tegin alýǵa múmkindik berildi.
