Almatylyqtarǵa tegin dári-dármek alýǵa 23 mlrd teńge bólindi
ALMATY. QazAqparat - 2022 jyly almalyqtar 30 mlrd teńgeden asa somanyń tegin dári-dármegimen qamtyldy. Bul týraly baspasóz máslıhatynda medıtsınalyq saqtandyrý qorynyń Almaty qalalyq fılıaly dırektory Tileýhan Ábildaev málim etti, dep habarlaıdy QazAqparat tilshisi.
«2022 jyly tegin medıtsınalyq kómek jáne mindetti áleýmettik medıtsınalyq saqtandyrý paketteri sheńberinde dári-dármekpen qamtýǵa 30,2 mlrd teńge bólingen bolatyn. Tegin medıtsınalyq kómek paketi boıynsha 215 myńnan astam patsıent, MÁMS qarajaty esebinen 215 myńnan astam eresek pen 38 myńnan astam bala dári-dármek aldy»,- deıdi ol.
Spkerdiń sózinshe, 2023 jylǵa 23 mlrd teńgeniń dári-dármegin satyp alý josparda.
«Dárilik zattar jyl basynan beri bekitilgen keste boıynsha jetkizilip jatyr. Jalpy, patsıentter tegin dári-dármekke qatysty málimetti «SK-Farmatsııa» JShS-niń 1439 baılanys ortalyǵy arqyly bile alady»,- dedi ol.
Esterińizge sala keteıik, jedel, statsıonarlyq jáne statsıonardy almastyratyn kómek kórsetý kezinde barlyq dárilik zattar tegin beriledi.
