Almatylyqtarǵa taý bókterlerine shyǵýǵa tyıym salyndy
ALMATY. QazAqparat – Almatyda qar kóshkini júrý qaýpine baılanysty taý bókterlerine shyǵýǵa tyıym salynady, dep habarlaıdy QazAqparat tilshisi qalalyq Tótenshe jaǵdaılar departamentiniń baspasóz qyzmetine silteme jasap.
Departament taratqan málimetterge qaraǵanda, jylymyq kezde jaýyn-shashynnyń mol túsýine jáne qar jamylǵysynyń turaqsyzdyǵy men bıiktiginiń joǵary bolýyna baılanysty Úlken jáne Kishi Almaty sý alaptarynda 8- 12 sáýir aralyǵynda qar kóshkini qaýpi saqtalady.
«Kóshkin júrý qaýpi yqtımal bolýyna baılanysty, qarly tik jartastarǵa shyǵýǵa bolmaıdy. Taýda abaı bolyńyzdar»,- delingen vedomstvanyń habarlamasynda.
Qazgıdromet aýa raıy boljamyna sáıkes 9 sáýirde Qazaqstan terrıtorııasynyń basym bóliginde atmosferalyq fronttardyń ótýine baılanysty turaqsyz aýa raıy saqtalady. Respýblıkamyzdyń ońtústik-batysynda shańdy daýyl soǵady, soltústikte kóktaıǵaq bolady.
