Almatylyqtarǵa «Tar zaman» teleserıaly tanystyryldy
ALMATY. QazAqparat - Almatyda kópserııaly «Tar zaman» teleserıalynyń alǵashqy serııasy kórsetildi, dep habarlaıdy QazAqparat.
Fılmniń rejısseri Murat Bıdosovtyń aıtýynsha, 12 serııadan turatyn teleserıal 22-28 aqpan aralyǵynda kınopraokatta kórsetilgen «Tar zaman» tarıhı dramasynyń keńeıtilgen nusqasy.
«Menińshe, joba qyzyqty boldy, ony tek kórý kerek. Týyndyny túsirý de ońaı bolǵan joq jáne onyń da ózindik qyzyqty jaqtary bar. Bul televızııalyq joba bolatyn, onyń bıýdjeti shekteýli edi. Soǵan qaramastan ony túsirýge degen umtylys myqty boldy. Fılm Jambyl, Almaty, Pavlodar oblystary men Reseıde túsirildi»,-dedi rejısser Murat Bıdosov.
Oqıǵanyń sıýjeti 20 ǵasyrdyń basyn qamtıdy. Bul úlken ózgerister zamany bolatyn. Eki revolıýtsııany bastan ótkergen qazaq ıntelegentsııasy «Alash» qozǵalysyn qurdy. Tarıhı týyndyda 1917 jyldardaǵy qazaq tarıhynda ózindik iz qaldyrǵan aıtýly tulǵalar - Mustafa Shoqaı, Álıhan Bókeıhan, Ahmet Baıtursynov syndy qaıratkerler men olardyń zamandastarynyń taǵdyry týraly baıandalady.
«Túsirý jumystary 3 aıǵa sozyldy. Bul qazaq halqynyń bolashaǵy jolynda jankeshti eńbek etken birtýar azamattary týraly týyndy»,-dedi M.Bıdosov.
