Almatylyqtarǵa shaǵan, úıeńki, shegirshin, qaıyń kóshetteri tegin taratylady
ALMATY. QazAqparat – Almatyda turǵyndarǵa tegin kóshet taratýǵa arnalǵan «Jasyl aýla» naýqany bastaldy. Bul týraly qalanyń ekologııa jáne qorshaǵan orta basqarmasy málim etti, dep habarlaıdy QazAqparat tilshisi.
Naýqan aıasynda kópqabatty úılerdiń aýlasy men qoǵamdyq keńistikterdi kógaldandyrýǵa nıetti árbir almatylyq shaǵan, úıeńki, shegirshin, qaıyńnyń kóshetterin tegin ala alady.
Ótinimder 15-24 naýryz aralyǵynda qabyldanady.
Turǵyndarǵa yńǵaıly bolýy úshin kóshetter demalys kúnderi taratylatyn bolady. Bir adamǵa 20 kóshetten artyq berilmeıdi.
Al, qatysý úshin jasyl.aula.almaty@gmail.com elektrondy poshtasyna kelesi málimetterdi joldaý qajet:
1. Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy
2. Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón)
3. Suralyp otyrǵan kóshettiń túri men sany.
«Kóshetter 1,2 jáne 9, 10 sáýir kúnderi Almaty qalasy Áýezov aýdany, ıÝrıı Kım kóshesi, 9 («Eco Almaty» JShS) mekenjaıynda taratylady. Sońynan joǵaryda kórsetilgen elektrondy mekenjaıǵa foto esep joldaý qajet»,- dep habarlady Almaty qalasynyń ekologııa jáne qorshaǵan orta basqarmasynan.
Aıta keteıik, mamandar kórsetilgen ýaqyttan keıin joldanǵan ótinishterdiń qarastyrylmaıtynyn málimdeıdi.
