Almatylyqtarǵa saýda ortalyǵy men bazarlarda vaktsına qalaı salynatyny belgili boldy
ALMATY. QazAqparat - Almatyda turǵyndarǵa saýda ortalyǵy men bazarlarda koronavırýsqa qarsy vaktsına egiledi. Vaktsınatsııa algorıtmi jarııalandy, dep habarlaıdy QazAqparat tilshisi.
Qalanyń bas memlekettik sanıtarlyq dárigeri Jandarbek Bekshın óziniń jańa qaýlysynda qoǵamdyq densaýlyq saqtaý basqarmasyna algorıtmge sáıkes qoǵamdyq oryndardaǵy COVID-19-ǵa qarsy ımmýndaý pýnktteriniń daıyndyǵyn qamtamasyz etýdi tapsyrdy.
Bazarlar aýmaǵynda ımmýndaýdy uıymdastyrý kezinde
Qaýlyǵa sáıkes, egý pýnkti bazar aýmaǵynda ornalasýy qajet. Sonymen qatar, jumys ústelderi, oryndyqtary bolýy tıis. Paıdalanylǵan bir rettik maskalardy jınaýǵa arnalǵan qoqys jáshigi, qoldy óńdeýge arnalǵan antıseptıgi bar shyntaq dozatory kerek. Egiletin adamdardy tirkeý jáne egilgennen keıin baqylaý júrgiziletin shatyr bolýy tıis. Vaktsınatsııalaý aldynda tekserý jáne tikeleı egý júrgizý barlyq sanıtarııalyq-epıdemıologııalyq talaptardy saqtaı otyryp, jedel medıtsınalyq kómek mashınasynda júrgizilýi múmkin.
SOO aýmaǵynda ımmýndaýdy uıymdastyrý kezinde
Egý pýnkti saýda ortalyǵynyń arnaıy bólingen orynda ornalasýy tıis, onda halyqty tirkeý úshin qorshalǵan aımaq, vaktsınatsııa júrgizý aldynda halyqty tekserýge jáne egýden keıin 30 mınýt ishinde baqylaýǵa arnalǵan aımaq (ýaqytsha bólme), sondaı-aq vaktsınatsııa júrgizýge arnalǵan jeke aımaq ornalasýy tıis.Qarap tekserý jáne vaktsınatsııa júrgizý bólmeleri móldir emes plastıkalyq jabynmen (tyǵyz plenka) qorshalýy tıis, al ishi ózara shymyldyqpen bólingen, jumys ústelderi jáne oryndyqtarmen, paıdalanylǵan bir rettik maskalardy jınaýǵa arnalǵan qoqys jáshigimen, qoldy óńdeýge arnalǵan antıseptıgi bar shyntaq dozatorymen jabdyqtalǵan bolýy tıis.
Barlyq mobıldi egý pýnktterine qoıylatyn jalpy talaptarmen myna jerden tanysýǵa bolady.
Qaýly qol qoıylǵan kúnnen bastap kúshine enedi.
