Almatylyqtarǵa óz kásibin ashý úshin memleketten 583 myń teńge grant berildi

ALMATY. QazAqparat – Almatyda jyl basynan beri memlekettik baǵdarlama aıasynda óz kásibin ashý úshin 757 adam 583 myń teńge kóleminde grant aldy. Bul týraly Almaty qalasy áleýmettik ál-aýqat basqarma basshysy Nazıra Toǵyzbaeva aıtty, dep habarlaıdy QazAqparat tilshisi.

Onlaın brıfıng barysynda basqarma basshysy qala turǵyndaryna jańa mamandyqtardy úıretý júrip jatqanyn jetkizdi.

«Qysqa merzimdi kýrstar biliktiligin joǵaltqan nemese mamandyǵyn ózgertkisi keletinderge arnalǵan. Almatynyń 34 oqý ornynda 41 mamandyq boıynsha 1 myńnan astam adam oqıdy», - dedi spıker.

Sonymen qatar, ol eńbek naryǵynda jas túlekterdiń básekege qabilettilik deńgeıi tómen ekenin atap ótti. Sondyqtan qalada jastarǵa qajetti jumys daǵdylaryn alýǵa jáne jumysqa beıimdelýge kómektesýge baǵyttalǵan birinshi jumys jobasy iske qosyldy.

Joba aıasynda eńbekke 116 adam tartyldy.

«Osy jyly 757 almatylyq 200 aılyq eseptik kórsetkish kóleminde grantqa ıe boldy. ıAǵnı óz bıznesin júzege asyrýǵa 583 myń teńge aldy. Kásipker bolǵysy keletinder negizinen tigin, aspaz, manıkıýr, shashtaraz jáne basqa da qyzmetter boıynsha jeke isterin asha alady»,- deıdi Nazıra Toǵyzbaeva.