Almatylyqtarǵa ne úshin taýǵa shyǵýǵa tyıym salyndy
ALMATY. QazAqparat - Almaty qalasynyń ákimi Baqytjan Saǵyntaev turǵyndarǵa ne úshin taýǵa shyǵýǵa bolmaıtynyn túsindirdi, dep habarlaıdy QazAqparat tilshisi.
«Taýǵa shyǵatyndardyń eki túri bolady. Birinshisi sportpen shuǵyldanatyndar, ekinshisi demalýshylar. Olar apta saıyn taýǵa shyǵyp, dastarhan jaıyp demalǵandy jaqsy kóredi. Bizdiń mindetimiz – adamdardyń shoǵyrlanýyna jol bermeý. Shyny kerek, biz tek otbasy múshelerimen ǵana demalmaımyz ǵoı, dostarymyzben, týǵan-týystarymyzben shyqqandy unatamyz. Káýáp pisirip, ot jaǵamyz. Bul indettiń órshýine ákep soǵady. Sondyqtan taýǵa shyǵýǵa áli de ruqsat joq. Taýǵa jumys kúnderi jaıaý nemese velosıpedpen shyǵýǵa bolady»,–dedi dedi qala ákimi Baqytjan Saǵyntaev Almaty telearnasyndaǵy Akimat LIVE baǵdarlamasynyń tikeleı efırinde.
Sonymen qatar, ol senbi-jeksenbi kúnderi bazarlar, saýda ortalyqtary men qoǵamdyq kólikterdiń jumys istemeıtinin eske saldy.
