Almatylyqtarǵa aǵash kóshetteri tegin taratyldy
ALMATY. QazAqparat- Almatyda «Jasyl aýla» naýqany aıasynda kóshetterdi taratý bastaldy, dep habarlaıdy QazAqparat tilshisi.
Naýqanǵa qatysý týraly ótinish bergen turǵyndarǵa 2400 japyraqty kóshet beriledi.
Bıyl jeke jáne zańdy tulǵalardan 191 ótinish kelip tústi. Bul kórsetkish byltyrǵy jylmen salystyrǵanda 50%-ǵa joǵary.Aıta keteık, Jasyl ekonomıka basqarmasy jyl saıyn kóktemde jáne kúzde «Jasyl aýla» naýqanyn ótkizedi.
Basty maqsat – aýlalar men jalpy qoldanystaǵy aýmaqtardy kógaldandyrý, ekologııalyq mádenıetti qalyptastyrý. Kópqabatty úıler aýlasy men qoǵamdyq keńistikterdi kógaldandyrýǵa nıetti árbir almatylyqqa shaǵan, úıeńki, shegirshin, terek, qaraǵaı men qaıyńnyń kóshetteri tegin beriledi.
Naýqanǵa qatysýshylar otyrǵyzylǵan aǵashtardy aldaǵy eki jyl boıy kútip-baptaý týraly kepildi mindettemege qol qoıady. Aǵashtardy jaqyn kúnderi otyrǵyzyp, basqarmaǵa foto esep joldaý qajet.
Jalpy qala boıynsha bıyl barlyǵy 350 myńǵa jýyq kóshet otyrǵyzý josparlanǵan. Basty nazar Alataý, Jetisý, Túrksib aýdandaryna aýdarylady.
