Almatylyqtardyń jylý men ystyq sýǵa qaryzy 1,8 mlrd teńgege jetti
ALMATY. QazAqparat - Sý men káriz qyzmetine qaryz almatylyqtar qatań jazalanady. Búginde qordalanǵan qaryzdyń jalpy somasy 1,8 mlrd teńge jetti. Bul týraly «Almaty jylý jelileri» JShS málim etti, dep habarlaıdy QazAqparat tilshisi.
Almatynyń kommýnaldyq qyzmeti ystyq sý men jylýǵa bereshegi bar turyǵyndardan aqshany sot arqyly óndirip alýǵa kóshti. Endi kún saıyn jylý jelileri aldynda qaryzy bar abonement ystyq sýdan ajyratylady.
«Qazirdiń ózinde paıdalanylǵan ystyq sý men jylytý úshin jalpy bereshek shamamen 1,8 mlrd teńge. Boryshkerlerge ystyq sý berýdi shekteý-bul májbúrli shara. Kásiporyn osyndaı is-sharalarǵa júginýge májbúr, óıtkeni tutynýshylar tarapynan jylýmen jabdyqtaý qyzmetterin tólemeý aldaǵy jylytý maýsymynyń tolyqqandy daıyndyǵy men tıisti ótýin qamtamasyz etýge teris áser etedi»,- dep habarlady «Almaty jylý jelileri» JShS baspasóz qyzmeti.
Kompanııa málimetinshe, jyl basynan beri Almatyda tólenbegen jylý energııasy úshin 415 mln teńge qaryzy bar 2 140 tutynýshy ystyq sýdan ajyratyldy, taǵy 1 122 tólemeýshige 897 mln teńge somasyna sotqa talap aryz túsirdi.
Jylý beriýshiler qaryzdy óndirip alý boıynsha is-sharalar turaqty negizde júrgizilip jatqanyn atap ótti.
Kompanııa qala turǵyndaryn qaryzdaryn tezirek jabýǵa jáne kommýnaldyq qyzmetter úshin tólemderdi ýaqtyly tóleýge jaýapkershilikpen qaraýǵa shaqyrady.
