Almatylyqtardyń ótinishimen Bostandyqta mektep salynatyn boldy
ALMATY. QazAqparat- Bostandyq aýdanynyń turǵyndary Buqar jyraý býlvary men Mının kóshesiniń aralyǵyndaǵy ýchaskede turǵyn úı kesheni men jekemenshik mektep salýǵa naryzylyq bildirdi. Olar memlekettik mektep salýdy surap otyr, dep habarlaıdy QazAqparat tilshisi.
Bostandyq aýdany ákimimen ótken jıynda turǵyndaryn óz talaptaryn jetkizdi.
«Buqar jyraý býlvary men Mının kósheleriniń arasyndaǵy 1,26 gektar aýmaqta kóppáterli turǵyn úı kesheni men 900 oryndyq memlekettik orta mektep salý josparda»,- dep jaýap berdi Almaty qalalyq josparlaý jáne ýrbanıstıka basqarmasy agenttik joldaǵan saýalǵa.
Qalalyq ákimdiktiń baspasóz qyzmetinen túsken málimetke qaraǵanda, qazirgi tańda «Qalqaman-2», «Qaırat», «Darhan», «Mádenıet» jáne «Nurkent» shaǵyn aýdandarynda 7500 oryndyq 5 mekteptiń qurylysy júrip jatyr. Sondaı-aq Naýryzbaı aýdanyna qarasty «Shuǵyla» shaǵyn aýdanynda 2400 oqýshyǵa arnalǵan eki jekemenshik mektep salynýda.
