Almatylyqtardyń ótinishi boıynsha eki avtobýstyń baǵyty ózgeredi
ALMATY. QazAqparat- Almatyda eki avtobýs baǵyty ózgeredi. Bul týraly Almaty qalasynyń Kólik holdıngi málim etti, dep habarlaıdy QazAqpart tilshisi.
Qala turǵyndarynyń ótinishi boıynsha 11 shildeden bastap myna marshrýttardyń qozǵalys shemalary ózgeredi:
Túrksib aýdany Spasskaıa kóshesindegi №13 marshrýttyń qozǵalysy Soltústik zıratqa deıin uzartyldy. Budan ári shema boıynsha saparyn jalǵastyrady.
№129 marshrýt soltústik baǵytta júrip, Qarasý shaǵyn aýdanyna, al ońtústik baǵytta qozǵalǵan kezde Zavodskaıa kóshesimen týra júredi. Budan ári shema boıynsha jalǵasa beredi.
Buǵan deıin Almatyda 25 maýsym men 10 tamyz aralyǵynda tórt avtobýs pen bir trolleıbýstyń júris baǵyty ýaqytsha ózgeretinin jazǵan bolatynbyz.
