Almatylyqtardyń kárizge qaryzy keshirildi
ALMATY. QazAqparat – Qala turǵyndarynyń ótinishi men Almaty ákiminiń tapsyrmasy boıynsha septıktiń qyzmetine tólenýi tıis qarjy keshirildi, dep habarlaıdy QazAqparat «Almaty sý» mekemesine silteme jasap.
«2009-2015 jyldary Almaty qalasynda jeke turǵyn úılerde turyp jatqan jáne ortalyqtandyrylǵan káriz júıesine qosylmaǵan turǵyndarǵa sol ýaqytta kúshinde bolǵan zańnama talaptary boıynsha sý bólý qyzmeti boıynsha qosymsha tólem engizilgen bolatyn. 2015 jyldyń mamyr aıynan bastap atalmysh zańnamaǵa ózgeristerdiń engizilýine baılanysty septık úshin qosymsha qarjy engizilmegen»,-dedi uıym ókilderi.
Sonymen qatar, buǵan deıin belgilengen tólemder aı saıyn kvıtantsııada kórsetilip kelgen edi. Tizimnen shyǵarylǵan soma 131 mln teńgeni qurady. Qazirgi tańda «Almaty sý» mekemesi septık úshin qaryzdardy alyp tastaý úshin tıisti túzeý jumystaryn júrgizip jatyr. Bul túzetý 2020 jyly taratylatyn kvıtantsııalarda kórsetiletin bolady.
Danııar Dáýitalıev
