Almatylyqtardyń 8 mln teńgesin aldap alǵan áıel qolǵa tústi
ALMATY. QazAqparat - Almatylyqtardyń 8 mln teńgesin aldap alǵan alaıaq áıel ustaldy, dep habarlaıdy QazAqparat tilshisi qalalyq ІІD-niń baspasóz qyzmetine silteme jasaı otyryp.
35 jastaǵy kelinshekti ІІD qyzmetkerleri alaıaq áreketin júzege asyrý barysynda qolǵa túsirgen.
«1983 jylǵy T. esimdi kelinshek memlekettik organdarda tanysy bar ekenin aıtyp, klıentterine bir aıdyń ishinde memlekettik baǵdarlama boıynsha páter alyp beremin dep aldaǵan. Bul «qyzmetine» ol syıaqyny birden alyp otyrǵan, alaıda mejeli ýaqyt bitkende onyń ýádeleri oryndalmaǵan. Alaıaqtyń qurbany bolǵanyn bilse de zań aldynda dáleldep bere almaıtyndyqtan kóp adam polıtsııaǵa aryzdanbaǵan. Qazirgi ýaqytta kúdiktiniń 5 uqsas oqıǵaǵa qatysy bar ekeni anyqtaldy. Ol adamdardyń senimine kire otyryp, iri kólemdegi somany alaıaqtyq jolmen alǵan dep aıyptalyp otyr. Ol «klıentterine» 8 mln teńge shyǵyn keltirgen. Oǵan qatysty QR QK 190-babynyń 3-bóligi boıynsha qylmystyq is qozǵalyp, sotqa deıingi tergeý amaldary júrgizilip jatyr. Qazirgi ýaqytta kúdikti Almaty qalasy ІІD ýaqytsha tergeý ızolıatoryna qamaýǵa alyndy», - dedi Medeý aýdany ІІB basshysy Bolat Totybaev.
Polıtsııa atalǵan adamnyń qurbany bolǵandarǵa ІІB-ne habarlasýyn suraıdy. Medeý aýdandyq ІІB-niń baılanys nómiri:
254-48-04; 254-48-09; 8-702-296-96-45; 8-707-258-03-06 ı 8-702-258-03-06.
