Almatylyqtardyń 40 mln teńgesin qoldy etken alaıaq ustaldy
ALMATY. QazAqparat –Almatyda er adam aqsha aıyrbastaý pýnktiniń menedjeri retinde qala turǵyndaryn aldaǵan, dep habarlaıdy QazAqparat tilshisi.
Eki jyldan astam ýaqyt boıy 39 jastaǵy er adam Almaty polıtsııa departamentiniń tergeý organdarynan jalǵan qujattarmen jasyrynyp júrgen.
«Almatyda birneshe turǵyndar uzaq ýaqyt boıy erekshe jolmen aldap kelgen alaıaqtyń qurbany boldy. Kúdikti – 1981 jyly týǵan, P.esimdi azamat. Ol Almaty qalasynyń turǵyny, jedel ulttyq valıýtada da, shetel valıýtasynda da aýqymdy bırjalyq operatsııalar jasaýdy qajet etken adamdardy ǵalamtor arqyly izdegen. Kúdikti óziniń aram pıǵylyn júzege asyrý úshin, tıimdi túrde, valıýtalarmen aıyrbastaý operatsııalary týraly jarnamalar usynǵan. Kelissózder aıaqtalǵannan keıin, ol klıenttermen jalǵa alynǵan aıyrbastaý pýnktterinde kezdesken. Keıin qolma-qol aqshany alyp, onyń durystyǵyn tekserip shyǵamyn dep artqy bólmege kirip, ózge esikter arqyly qashyp ketip júrgen. Bul qylmystardyń ereksheligi esimi men tegin jıi aýystyryp jalǵan jeke kýálikteri daıyndaǵan», – deıdi Almaly aýdandyq polıtsııa basqarmasynyń basshysy Esen Ysqaqov.
Kúdikti qazir qamaýǵa alyndy. Jalpy, Almaly aýdanynyń aýmaǵynda ol osyǵan uqsas tórt qylmys jasaǵan. Materıaldyq shyǵyn 40 mıllıon teńgeden asady. Aýdandyq PB tergeý bólimi onyń qaladaǵy basqa qylmystarǵa qatysy bar-joǵyn tekserip jatyr. Quqyq qorǵaý organdarynyń qyzmetkerleri, kúdiktiniń qylmysyna baılanysty qala turǵyndarǵa kelesi nómirler arqyly habarlaýǵa shaqyrady: 254-46-01; 254-46-08; 254-46-12; 8-775-106-18-84 jáne 8-708-707-92-02. Almaty qalasy.
