Almatylyqtardy melanomaǵa tekserdi
ALMATY. QazAqparat - Qazaq onkologııa jáne radıologııa ǵylymı-zertteý ınstıtýty men Almaty onkologııalyq ortalyǵy teride paıda bolatyn qaterli isikter men melanomany erte bastan anyqtaý úshin ashyq esik kúnin ótkizdi.
Aktsııa barysynda jetekshi onkologtar halyqqa tegin keńester berdi jáne teride paıda bolǵan jaralardy zerttedi. Bul aktsııa Búkilálemdik teri isigi men melanomaǵa qarsy kúres kúnine oraılastyryldy.
Almaty onkologııalyq qyzmetiniń málimetteri boıynsha, teri qaterli isigi men melanomamen aýyrý erler arasynda da, áıelderde de aldyńǵy qatarǵa shyǵyp otyr. Teri melanomasy barlyq teri aýrýlarynyń ishinde ólimge jıi soqtyratyn syrqatqa aınalyp otyr jáne jas adamdardyń arasyndaǵy keń taralǵan onkologııalyq aýrýlardyń biri.
«Problemanyń ózektiligi sonda, teri qaterli isigi jasaryp keledi jáne jas adamdardyń arasynda da óristeı túsýde. Teri melanomasyn emdeýde jańa múmkindikter paıda boldy. ıAǵnı targettik preparattardyń kómegimen isikti azaıtýǵa bolady jáne ol isik jasýshasyna tikeleı baǵyttalady jáne teriniń basqa jerlerine zııansyz, ıaǵnı ol dóptep emeý. Teride jańadan paıda bolǵan qaterli isikti erte bastan anyqtasa, ony emdep jazýǵa bolady», - dedi Qazaq onkologııa jáne radıologııa ǵylymı-zertteý ınstıtýtynyń dırektory Dılıara Qaıdarova.
Resmı málimetterge qaraǵanda, QR-da teri melanomasy syrqaty 100 000 adamǵa 1,8 oqıǵany quraıdy.
