Almatylyqtardy atys saldarynan japa shekkenderge qan tapsyrýǵa shaqyrýda
ALMATY. QazAqparat - Almatylyqtardy atys saldarynan japa shekken polıtseılerge qan tapsyrýǵa shaqyrýda. Jedel járdem aýrýhanasy dárigerleriniń aqparatynsha, búgin atys kezinde 8 adam aýrýhanaǵa jetkizildi. QR ІІM aqparatynsha, úsh polıtseı men bir beıbit turǵyn ajal qushty.
Almaty q. Kásipkerler palatasynyń baspasóz hatshysy Sholpan Álı palata jáne kásipkerlerge qyzmet kórsetý ortalyqtary jaraqattanǵandar úshin Qalalyq qan ortalyǵyna qan tapsyrý sheshimin qabyldaǵanyn aıtty.
«Beıjaılyq tanytpaǵan turǵyndardy qazir dárigerlerdiń kómegimen ómir úshin arpalysyp jatqandarǵa járdemdesýin suraımyz. Barlyǵymyz fotony kórdik, jaraqat aýyr, kóp qan joǵaltqanyn túsinemiz. Jaraqattanǵandardyń kóbiniń januıasy, balalary, bar degen oıdamyz», - dep jazdy ol Facebooktegi paraqshasyna.
