Almatylyqtardan karantın tártibin buzýǵa qatysty 70-ke jýyq shaǵym tústi
ALMATY. QazAqparat – Almatylyqtarǵa karantın tártibin buzýǵa qatysty shaǵymdaný algorıtimi túsindirildi, dep habarlaıdy QazAqparat tilshisi.
Almaty ákimdiginiń habarlaýynsha, eki kún ishinde almatylyqtar tarapynan call-ortalyqqa karantın tártibin buzý jóninde 70-ke tarta shaǵym túsken.
«5-7 shildesi aralyǵynda Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń qaýyrt jelisine turǵyndardan 69 ótinish tústi. Ótinishter boıynsha tıisti jumystar atqaryldy, sonyń ishinde kórsetilgen meken jaılar boıynsha tekserý júrgizildi. 15 shaǵym rastalmady»,– delingen ákimdik taratqan habarlamada.
Búǵan deıin, Almaty ákimdigi karantın sharalarynyń buzylýy anyqtalǵan jaǵdaıda qala turǵyndarynyń habarlasýy úshin baılanys nómirlerin jarııalaǵan bolatyn.
Eger shekteý sharalaryn saqtamaǵan mekemelerdi baıqasańyz tómende kórsetilgen myna telefondarǵa habarlasýǵa bolady:
- Alataý aýdany – 8 (775) 781-45-50;
- Almaly aýdany – 8 (701) 716-59-25;
- Áýezov aýdany – 8 (701) 400-91-93, 8 (747) 761-55-82;
- Bostandyq aýdany – 8 (701) 122-30-59;
- Jetisý aýdany – 8 (701) 107-17-90, 8 (747) 557-40-71;
- Medeý aýdany – 8 (707) 822-40-78;
- Naýryzbaı aýdany – 8 (707) 752-79-27;
- Túrksib aýdany – 8 (701) 194-07-19, 8 (705) 189-52-89, 8 (707) 189-52-89.
Rastalmaǵan shaǵymdar sanyn azaıtý úshin habarlasar aldynda memlekettik organdarǵa júginýdiń belgilengen tártibin eskerý qajet.
«Ótinish qaralýy úshin atalǵan nomerler boıynsha habarlasqan azamattarǵa birinshi kezekte óziniń aty-jónin tanystyryp, tártipbuzýshylyq baıqalǵan meken-jaıdy habarlap, sonymen birge, buzýshylyq jaıly tolyq aqparat berýi qajet. Sonymen birge, Almaty turǵyndaryna múmkindiginshe tártipbuzýshylyq dálelderin fotosýret nemese vıdeo formatynda berý usynylady, ol jaýapkershilikke tartý kepildigin qamtamasyz etedi. Jasyryn ótinishter, sonymen birge máseleniń máni túsindirilmegen jasyryn ótinishter qaralmaıdy»,– dep atap ótti ákimdik.
Jalpy Almaty qalasynda ákimniń tapsyrmasymen monıtorıngtik toptardyń jumysy kúsheıtilgen rejımde jalǵasýda. 7 shildede kúni qala boıynsha 36 mobıldi top (quramynda aýdandyq ákimdikterdiń, Taýarlar men qyzmetterdiń sapasyn men qaýipsizdigin baqylaý departamentiniń, jergilikti polıtsııa qyzmetiniń qyzmetkerleri engen) jumys istegen. 896 nysan boıynsha monıtorıng júrgizildi, sonyń ishinde 21 nysannyń jumysy toqtatyldy. 15 nysanǵa qatysty ákimshilik quqyqbuzýshylyq týraly hattama toltyryldy.
Sonymen birge, monıtorıng toptarymen qyzmetterine ruqsat etilgen jáne baqylaýǵa alynǵan 278 nysan boıynsha túsindirý jumysy júrgizildi.
