Almatylyqtar jylýǵa 1,3 mlrd teńge qaryz

ALMATY. QazAqarat - Almaty turǵyndary jylýǵa 1,3 mlrd teńge qaryz. Bereshegi barlardyń qatarynda jeke jáne zańdy tulǵalar bar. Bul týraly Óńirlik kommýnıkatsııalar qyzmetinde ótken brıfıngide «Almaty jylý jelileri» JShS bas ınjeneri Danııar Qazymbetov málim etti, dep habarlaıdy QazAqparat tilshisi.

«Almaty turǵyndary «Almaty jylý jelileri» jaýapkershiligi shekteýli seriktestigine 1,3 mlrd teńge qaryz. Bul álbette, qalanyń kommýnaldyq qyzmeti men jetkizýshilerge tóleıtin qarjyǵa áser etedi. Bereshegi barlardyń qatarynda jeke, zańdy tulǵalarmen qatar, bıýdjettik mekemeler de bar», - dedi Danııar Qazymbetov.
Tıisti mekeme ókilderiniń sózinshe, jylý berý maýsymy sátti bastaldy. Ol shtattyq rejımde, kestege sáıkes jumys istep tur.
«Bizdiń otyn qorymyz jetkilikti. Gaz boıynsha eshqandaı problema joq. Gazdan tapshylyq bolmaıdy. Jylý maýsymyna tolyq daıyn boldyq», - dedi «ALES» AQ óndiris jónindegi basqarýshy dırektory Ǵazız Ismuhambetov.