Almatylyqtar joldaǵy shuńqyrlarǵa qatysty shaǵymdanyp jatyr
ALMATY. QazAqparat – Naýryzbaı aýdanynyń «Tastybulaq» shaǵyn aýdanynyń turǵyndary joldaǵy shuryq tesikter men las kóshelerge qatysty shaǵymdandy, dep habarlaıdy QazAqparat tilshisi.
Turǵyndar jedel járdem men káriz sýyn tazalaıtyn kólik shaqyra almaı otyr. Áleýmettik jelide 86 jastaǵy qarııanyń narazylyq vıdeosy taralyp jatyr.
«Bul úıde 2 aqsaqal turady. Onyń biri múgedek adam. Olar túzge otyra almaı júr. Assenızator kólikter bizdiń aýdanǵa kirýden bas tartady. Jol ortasyna túsip jatyr. Jaıaý júrý de múmkin emes. Jedel járdem de kele almaıdy. Naýryzbaı aýdany, Tastybulaq, Jeruıyq kóshesi, 3/71», - delingen jazbada.
Aýdan ákimi Sanjar Toǵaı bul málimdemege jaýap berdi.
«Merdiger kompanııa tas tógip, ınjenerlik jeliler júrgizilgen jerlerde kóshelerdi jóndeıdi. «Monolıt Dızaın 2030» JShS osy mekenjaı boıynsha jumystar tapsyryldy. Qolaısyzdyqtar úshin keshirim suraımyz», - dedi aýdan ákimi.
