Almatylyqtar jeke sektor janynan kópqabatty úı salýǵa qarsy

ALMATY. QazAqparat – «Qalqaman» yqshamaýdanyndaǵy jeke úılerde turatyn almatylyqtar kópqabatty turǵyn úı kesheniniń salynýyna qarsylyq bildirdi, dep habarlaıdy QazAqparat tilshisi.

Turǵyndar jeke úıler men kottedjderdiń arasyna kópqabatty turǵyn úı keshenin turǵyzýǵa qarsy. Olardyń pikirinshe, kópqabatty qurylys aýdannyń sáýlettik kelbetin buzady, jel kóteriledi, aýany lastaıdy. Odan bólek, jalǵa beriletin páterler qylmystyq jaǵdaıǵa ákeledi.

Sonymen qatar belsendilerdiń paıymynsha, turǵyn úı kesheni avtoturaq tapshylyǵyn týdyrady.

Turǵyndar kópqabatty úı ornyna sport jáne oıyn alańdary bar saıabaq salýdy usyndy.

Naýryzbaı aýdanynyń ákimdigi Taljanov kóshesi, 1A mekenjaıyndaǵy ýchaske zańdy tulǵaǵa tıesili ekenin málim etti.

Qazirgi ýaqytta turǵyn úı keshenin salý jobasy bekitilgen joq.

«Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańynyń 13-babyna jáne «Qalanyń sáýlettik kelbetin qalyptastyrý men qala qurylysyn josparlaý erejeleri» qaǵıdatyna sáıkes, qurylys salýshy jobany qoǵamdyq talqylaýdan ótkizýge mindetti», - dep atap ótti ákimdikten.