Almatylyqtar jas fototilshilerdiń sheber týyndylarymen tanysty
ALMATY. QazAqparat - Almatyda Qala kúni qarsańynda Almaty qalasy Jastar saıasaty máselesi jónindegi basqarmanyń tapsyrysymen Jastar saıasatyn damytý qory «Meniń súıikti qalam» taqyrybymen fotokórme uıymdastyrdy, dep habarlaıdy QazAqparat tilshisi.
Búgin Almaty metrosynyń «Baıqońyr» stansasynda qala turǵyndary men qala qonaqtary úshin qalany tanystyrýǵa arnalǵan erekshe formattaǵy foto-ınstalıatsııa ashyldy. Tarıhı fotolardy mýzeı qyzmetkeri tanystyrady. 
Aıta keteıik, fotokórme eki baǵyttan turady: «Eski shahar» jáne «Búgingi Almaty».
«Eski shahar» fotolaryn Almaty mýzeıleri usynǵan. Bul bólimde megapolıs tarıhy qamtylǵan: eski kósheler, tarıhı ǵımarattar. Mýzeı ókili kelýshi qonaqtarǵa ár fotonyń, fotodaǵy nysannyń tarıhyn baıandap beredi.
Al, «Búgingi Almaty» taqyryby boıynsha toptastyrylǵan bólimde jastardyń qala týraly túsirgen sýretteri kórsetilgen.
«Qalamyzdaǵy aýla klýbtary arasynda baıqaýlar ótkizilip, sonda iriktelip alynǵan jastar men jasóspirimderdiń sýretterin foto kórmege qoıyp otyrmyz. Balalar joldaǵan 100-den asa fotosýrettiń ishinen 18-in iriktep aldyq», - deıdi sharany uıymdastyrýshylar.
Atalǵan kórme bir apta jalǵasady.
