Almatylyqtar jaryqty óshirgeni úshin joldy jaýyp tastady
Narazy turǵyndardyń vıdeosy áleýmettik jelide jarııalandy.
«Qaladaǵy eń úlken «Premera» turǵyn úı keshenin jaryqtan ajyratyp tastady. Osyǵan oraı, turǵyndar kóshege shyǵyp, joldy jaýyp tastady. Olar bárin tóleımiz deıdi, al qaryz 96 mln teńge. Kimdiki durys?», - dep jazdy beınejazba avtory.
«AlmatyEnergoSbyt» JShS-nyń habarlaýynsha, kompanııa men «Qurmet Dostar» páter ıeleri koperatıvi arasynda «Premera» turǵyn úı keshenin elektrmen jabdyqtaý týraly kelisimge qol qoıylǵan.
18 tamyzdaǵy jaǵdaı boıynsha «AlmatyEnergoSbyt» JShS aldyndaǵy tutynylǵan elektr energııasy boıynsha bereshek 97 853 357,14 teńge.
«Elektr jelilerine qosylǵan árbir úı belgili bir mólsherde elektr qýatyn alady. Túbirtekte turǵyn úıdi ustaý quny men kireberisterdegi jaryqtandyrý ǵana kirmeıdi. Bul sonymen qatar jylytý qondyrǵylaryna, lıft, domofon, beınebaqylaý, tsırkýlıatsııa sorǵylary, úılerdiń joǵarǵy qabattaryna sý aıdaıtyn sorǵylar, ishki shyǵyn arqyly elektr energııasyn joǵaltýǵa jumsalatyn shyǵyndardy qamtıdy. ıAǵnı jaıly ómir súrý jaǵdaıyn qamtamasyz etedi. Árbir kópqabatty úıde elektr jabdyqtarynyń jeke jıyntyǵy bar jáne energııa shyǵyndaryn talap etedi, olar turǵyn úıdi kútip ustaýǵa jumsalatyn shyǵyndar retinde tólenýi tıis», - dep habarlady « AlmatyEnergoSbyt «JShS.
Sáıkesinshe, energııa tutynýdy qajet etetin belgili bir ınfraqurylymy bar turǵyn úı kesheninde turý úshin páterlerge ornatylǵan eseptegishter úshin ǵana tóleý jetkiliksiz, dep qosty kompanııadaǵylar.
«AlmatyEnergoSbyt» JShS-nyń qyzmetkerleri atalǵan turǵyn úı kesheniniń habarlandyrý taqtalaryna 18 tamyzdan bastap elektr qýatynan ajyratý týraly eskertý qaǵazdaryn ildi. Sonymen qatar, «Alataý Jaryq Kompanııasy» AQ-na «Premer» turyǵyn úı keshenine jaryq berýdi toqtatý týraly ótinsh túsirdi.
«Desekte, elektr energııasy sol kúni qaıta qosyldy»,- dep atap ótti kompanııadaǵylar.
