Almatylyqtar jahandyq aýqymdaǵy aktsııaǵa qatysty
ALMATY. Jeltoqsannyń 9-y. QazAqparat /Ernar Beken/ - Jeltoqsannyń 7-sinde AQTQ indetin juqtyrǵan jandardyń máselelerine jurt nazaryn aýdartýǵa baǵyttalǵan aktsııa álemniń barlyq elderinde bir mezgilde ótkizilgen bolatyn.
Bul sharaǵa qazaqstandyqtar da atsalysty, dep habarlaıdy QazAqparat.
Almatyda ótken aktsııada dúnıe júziniń halyqtarymen qosylyp 20 otandasymyz «The Beatles» tobynyń «All you need is love» ánin birge shyrqady. Jandy daýyspen oryndalǵan jahandyq hor ǵalamtorda tikeleı efırden kórsetildi.
Aktsııanyń prodıýseri Dına Sabyrovanyń aıtýynsha, bundaı ıgi sharaǵa elimiz alǵash ret atsalysyp otyr. «Bizge qoıylǵan basty talap aǵylshyn tilinde án sala alatyn adamdardy qatystyrý boldy. Án kúrdeli de qıyn, sondyqtan án salǵan álem jurtshylyǵynan qalmaı shyrqaý ońaıǵa túsken joq», deıdi ol.
Jalpy, bul shara 1967 jyldan bastap ótkizilip keledi. Sol kezde uıymdastyrylǵan eń alǵashqy halyqaralyq tikeleı efırge 26 elden 400 mıllıon adam qatysqan bolatyn. Jahandyq is-sharanyń mańyzdylyǵyn arttyra túsý úshin tuńǵysh aktsııaǵa «Bıtlz» toby qatysyp, ózderiniń «All you need is love» ánin shyrqaǵan edi.
Atalmysh oqıǵa ıgi maqsattarǵa arnalǵan jahandyq bastama retinde Gınnestiń rekordtar kitabyna tirkeletin bolady.
