Almatylyqtar jahandyq aktsııa aıasynda Gınnestiń rekordtar kitabyna enedi
ALMATY. Jeltoqsannyń 2-si. QazAqparat /Ernar Beken/ - Ústimizdegi jylǵy jeltoqsannyń 7-de AQTQ indetin juqtyrǵan jandardyń máselelerine jurt nazaryn aýdartýǵa baǵyttalǵan shara álemniń barlyq elderinde bir mezgilde bastalmaq. Bul sharaǵa Almaty turǵyndary da atsalysýdy kózdep otyr,
dep habarlaıdy QazAqparat.
Aktsııa Grınvıch ýaqyty boıynsha 13:30-da, al Almaty ýaqyty boıynsha 19:30-da bastalady. Osy kezde álemniń barlyq turǵyndary «The Beatles» tobynyń «All you need is love» ánin bir mezgilde shyrqamaq. Jandy daýyspen án salý ǵalamtorda tikeleı efırde kórsetiledi.
Jalpy, bul shara 1967 jyldan bastap ótkizilip keledi. Sol kezde uıymdastyrylǵan eń alǵashqy halyqaralyq tikeleı efırge 26 elden 400 mıllıon adam qatysqan bolatyn. Jahandyq is-sharanyń mańyzdylyǵyn arttyra túsý úshin tuńǵysh aktsııaǵa «Bıtlz» toby qatysyp, ózderiniń «All you need is love» ánin shyrqaǵan edi.
Aktsııa aıasynda qaıyrymdylyq kómek te uıymdastyrylady. Dúnıe júziniń 196 memleketi qatysýdy kózdep otyrǵan ıgi jıynda 3 mıllıon dollardan astam qarjy jınaý kózdelip otyr. Bul qarjy Jahandyq qordyń atynan Afrıkada JQTB dertimen kúresýge jumsalady.
Atalmysh oqıǵa ıgi maqsattarǵa arnalǵan jahandyq bastama retinde Gınnestiń Álemdik rekordtar kitabyna tirkeletin bolady.
Aktsııanyń Almatyda ótetin bóligine qatysýǵa qarapaıym turǵyndar men belgili qaıratkerler nıet tanytyp otyr. Shara «Kóktóbe» demalys saıabaǵynda uıymdastyrylmaq.
