Almatylyqtar zańnamalyq kómekti tegin ala alady
ALMATY. QazAqparat – Almaty turǵyndary «Adaldyq Alany» jobalyq ofısi aıasynda zańnamalyq kómekterdi tegin ala alady, dep habarlaıdy QazAqparat tilshisi qalalyq Ádilet departamentine silteme jasap.
26 qarasha kúni Zenkov 47 mekenjaıy boıynsha ornalasqan ǵımaratta notarıýs, memlekettik jáne jekemenshik sot oryndaýshylary, «Azamattarǵa arnalǵan Úkimet» ókilderi, qalalyq Ádilet departamenti ókilderi tegin keńes beretin bolady.
Bul jıynǵa kez-kelgen azamat qatysyp, notarıaldy jáne advokattyq qyzmet, zııatkerlik menshik, jyljymaıtyn múlikti tirkeý, azamattyq hal aktileri, sot aktileriniń oryndalý tártibi, departament qyzmetkerleriniń etıkasy boıynsha saýaldaryn qoıa alady.
