Almatylyqtar ystyq sýdyń ornyna krannan sýyq sý aqqanyna shaǵymdandy
Bul týraly Gagarın kóshesi, 167 úıde turatyn almatylyq áleýmettik jelide jazdy.
Onyń aıtýynsha, qalada jylý berý toqtaǵannan beri krandaǵy ystyq sý salqyndap ketken. Mundaı problema megapolıstiń ártúrli aýdanynda oryn aldy.
Osy máselege qatysty «Almaty jylý jelileri» JShS jaýap berdi.
«Jylý berý maýsymy aıaqtalǵan kezde jyl saıyn josparly jóndeý jumystary qolǵa alynady. Osyǵan oraı ystyq sý tuıyq shema boıynsha bir qubyr arqyly ǵana beriledi (aınalym joq), bul qubyrdaǵy sýdyń salqyndaýyna ákeledi»,- dep málim etti vedomstvodan.
Budan bólek, temperatýra tutynýshylardyń sýdy aǵyzýyna da baılanysty.
«Ystyq sýdy jıi aǵyzbasa sáıkesinshe, ol qubyrda turyp salqyndaıdy. Sondyqtan jazda ystyq sýmen jabdyqtaýdyń turaqty temperatýrasyn qamtamasyz etý úshin qyzdyrý qondyrǵysyn ornatý múmkindigin qarastyrýdy usynamyz. Bul rette «ystyq sý» qyzmeti úshin tólem jasaý jalpy úıdi esepke alý qurylǵysymen esepteledi», - dep túsindirdi «Almaty jylý jelileri» JShS-dan.