Almatylyqtar VIP nómir alý úshin 294 mln teńge shyǵyndaǵan
ALMATY. QazAqparat - Almatylyqtar VIP nómir satyp alý úshin 294 mln teńge shyǵyndaǵan, dep habarlaıdy QazAqparat tilshisi.
Qalalyq ІІD baspasóz qyzmeti taratqan aqparatqa sáıkes, arnaıy HQKO kólikti tirkeý men memlekettik tirkeý nómirlerin berý boıynsha jyl basynan bergi qansha qyzmet kórsetilgenin jarııalady.
Jyl basynan beri HQKO mamandary tarapynan 101 152 memlekettik nómir, 12 535 tranzıttik nómir, 32672 júrgizýshi kýáligi berilgen. Sondaı-aq, quny 294 mln 407 myń bolatyn 791 VIP nómir berildi.
«Nebári 7 aıda 252 701 memlekettik qyzmet kórsetilgen. Onyń ishinde kólikti tirkeý men esepke alýǵa 220 029 qyzmet kórsetildi. Kún saıyn ortalyqqa 3-5 myń klıent keledi. Osy ýaqyt aralyǵynda 108507 kólik tirkeldi», - dedi qalalyq ІІD ákimshilik polıtsııa basqarmasynyń bólim basshysy Nurlan Amanbek.
Aıta ketý kerek, ótken jyldyń qyrkúıeginen bastap arnaıy HQKO tek qana Almaty turǵyndary ǵana emes búkil respýblıka azamattaryna qyzmet kórsete bastady.
«Bıyl qańtardan beri arnaıy HQKO almatylyqtardan bólek azamattarǵa 40 myń qyzmet kórsetken, 37 745 memlekettik tirkeý nómiri berilgen. Suranys Almaty oblysy men OQO turǵyndary arasynda kóp bolyp otyr», - dedi ol.
