Almatylyqtar úndi shtamynyń órshigenine qaramastan banket uıymdastyrǵan

ALMATY. QazAqparat - Almatynyń monıtorıng toptary 3 shildege qaraǵan túni kóńil kóteretin oryndarda karantınniń 14 buzýshylyǵyn anyqtady, dep habarlaıdy QazAqparat tilshisi.

Máselen, Medeý aýdanynyń monıtorıng toby karaoke ortalyǵynda 100-ge jýyq kelýshiny anyqtady.

Karaokeniń ishi tar, áleýmettik araqashyqtyq saqtalmaǵan, kelýshiler karantındik shekteýlerdi elemegen.

Monıtorıng top ókilderniń aıtýynsha, qala turǵyndary men qonaqtary sanıtar dárigerlerdiń usynystary men erejelerin elemeı, toı ótkizýdi jalǵastyrýda.

Bir túnde 14 buzýshylyq anyqtaldy.

Mysaly, 2 shildeden 3 shildege qaraǵan túni qalanyń bir barynda 150 qonaq qatysqan saltanatty shara uıymdastyrylǵan.

Bul fakti boıynsha aýdandyq sanıtarlyq-epıdemıologııalyq baqylaý basqarmasyna berý úshin ákimshilik materıal jınaldy.

Sanıtarlyq-epıdemıologııalyq baqylaý departamentinde atap ótkendeı, aldyn alý sharalaryn jappaı elemeýdiń saldarynan koronavırýstyń jańa shtamdary órshı tústi.

Sondyqtan qazirgi kezde saqtaný sharalaryn qatań ustanǵan jón.

Jyl basynan beri karantın sharasyn buzǵan nysandarǵa qatysty 75 sotqa materıal jiberildi, onyń 64-i boıynsha sheshim qabyldandy.