Almatylyqtar Úmbetbaı Ýaıdındi aqtyq saparǵa shyǵaryp saldy
ALMATY. QazAqparat - Almatylyqtar Jazýshylar odaǵynda jazýshy,jýrnalıst Úmbetbaı Ýaıdındi aqtyq saparǵa shyǵaryp saldy, dep habarlaıdyQazaqparat tilshisi.
Jazýshymen qoshtasýǵa aǵaıyn-týystary men jazýshylar, zııaly qaýym men Almaty turǵyndary jınaldy.
«Úmbetbaı aǵa ólmeıtindeı kórinetin. Sebebi, qolynan kelgen jaqsylyǵyn aıamaıtyn. Ajal ol kisige de jetti. Úkeń orny bólek, erekshe adam edi. 58 jyl birge júrdik. Artynda óshpes iz qaldyrdy. Jazǵan shyǵarmalary da adamdardy baýyrmashyldyqqa shaqyratyn. Ol shyǵarmalarynda únemi adamdy jaqsylyqqa úndeıtin. Imany salamat bolsyn», - dedi jazýshy Ahat Jaqsybaev Úmbetbaı Ýadındi aqtyq saparǵa shyǵaryp salý qaraly jıynynda.
Jazýshynyń qazasyna baılanysty «Nur Otan» partııasy Tóraǵasynyń birinshi orynbasary Máýlen Áshimbaev, Mádenıet jáne Sport mınıstri Arystanbek Muhamedıuly, Aqtóbe oblysynyń ákimi Berdibek Saparbaev, QR Prezıdentiniń baspasóz hatshysy Aıdos Úkibaev aǵaıyn-týystaryna kóńil aıtyp, jedel hat joldady.
Jazýshy, jýrnalıst Úmbetbaı Ýaıdın 1 naýryz kúni 83 jasqaqaraǵan shaǵynda ómirden ozdy.
