Almatylyqtar Uly Jeńistiń 70 jyldyǵy men Otan qorǵaýshy kúnin velosherýmen atap ótti (FOTO)

ALMATY. QazAqparat - Búgin almatylyqtar Uly Jeńistiń 70 jyldyǵy men Otan qorǵaýshy kúnin velosherýmen atap ótti. Sporttyq merekege qala basshysy Ahmetjan Esimov, veloqaýymdastyq ókilderi, qala turǵyndary qatysty.

Máre syzyǵyn birinshi attaǵandarǵa estelik syılyqtar tabys etildi.

«Búgingi Otan qorǵaýshy kúnine arnalǵan sherýge sportsúıer qaýym úlken yqylaspen qatysty. Óziniń úlesi arqyly jastar Otanyn qorǵap qalǵan aǵa býynǵa alǵysyn bildirip otyr. Bizdiń ortamyzda ÝEFA kýbogyn alyp kelgen jeńimpazdar bar. Olar QR Prezıdenti saılaýy kezinde Barselonany tize búktirip, Almatyǵa jeńisti ákeldi», - dedi A.Esimov.

Velosherýge barlyǵy 3 myńǵa jýyq adam qatysty. Jyldan jylǵa qatysýshylardyń sany artyp keledi.

Sporttyq jarystan soń «Qaırat» klýbynyń doptary men sharftary taratylyp, «Stýdenttik kóktem-2015» konkýrsynda top jarǵan JOO basshylary marapattaldy. Qala turǵyndary merekege oraı uıymdastyrylǵan saltanatty kontsertti tamashalady.