Almatylyqtar ýchaskelik ınspektorǵa tosynsyı jasady
ALMATY. QazAqparat – Almatylyqtar ózderiniń ýchaskelik ınspektoryna tosynsyı jasady, dep habarlaıdy QazAqparat tilshisi.
Almaly aýdandyq polıtsııa basqarmasy janyndaǵy jergilikti polıtsııa qyzmeti basqarmasynyń ýchaskelik polıtsııa ınspektory Dáýren Úńgirbaev úshin bul kúndelikti jumys kúni boldy. Polıtseı ózine senip tapsyrylǵan aýmaqty aınalyp ótýge daıyndalyp jatqanda, Tóle bı dańǵyly men Áýezov kóshesiniń qıylysynda ornalasqan úılerdiń turǵyndary esiktiń aldyna jınalyp alypty.
Turǵyndarynyń aıtýynsha, ýchaskelik polıtsııa qyzmetkeri Dáýren Tólegenuly naǵyz kásipqoı maman.
«Bizdiń ýchaskelik ınspektorymyz óz isine árdaıym muqııat qaraıdy. Biz onyń jumysyna, is-áreketine, ádeptiligine tántimiz. Sondyqtan oǵan alǵys hat tapsyrmaq bolyp sheshtik», – deıdi jergilikti turǵyn.
«Siz kelgeli bizdiń aýlada tynyshtyq ornady. Siz bizdiń barlyq ótinishimizge jaýap beresiz jáne kez kelgen jaǵdaı daý-damaısyz sheshiledi. Bizdiń aýlanyń barlyq turǵyndary Sizdi qurmetteıdi jáne maqtan tutady» – dedi Dmıtrıı esimdi turǵyn.
Jergilikti ózin-ózi basqarý organdarynyń ókilderi de polıtsııa qyzmetkerine myqty densaýlyq, eńbek jolynda sáttilik tiledi
«Maǵan turǵyndar óz alǵystaryn bildirip jatyr. Óte rızamyn, men jumysymdy istep jatyrmyn. Alǵys túrinde túrli marapattar aldym, biraq halyqtyń rızashylyǵynan asqan alǵys joq eken. Keremet áser aldym. Ári qaraı úmitterin aqtaýǵa tyrysamyn, – dedi polıtseı Dáýren Úńgirbaev.
