Almatylyqtar tyǵyz salynyp jatqan qurylysqa qarsy
ALMATY. QazAqparat - «Abay 130» turǵyn úı kesheniniń turǵyndary úıdiń janyndaǵy japsarlaı salyna bastaǵan 12 qabatty ǵımarattyń qurylysyna qarsy, dep habarlaıdy QazAqparat tilshisi.
Turǵyndar Facebook arqyly úndeý joldady.
«Basynda turǵyndarǵa usynǵan jobada bul jerde bizdiń úıden basqa qurylys bolmaıdy delingen. Ýaqyt óte kele kógaladandyrýǵa arnalǵan alańda 12 qabatty ǵımarat paıda bolatyn boldy. Eń soraqysy – bul jobamen barlyq bılik kelisken, tipti jobanyń memlekettik saraptamasy da bar. Prokýratýraǵa shaǵymdandyq, biraq olar bizdi qalalyq ákimdikke jiberdi. Eger memlekettik organdar sheshimdi joımasa, turǵyndar sotqa júginedi. Bul tutynýshynyń quqyǵyn buzý»,- dep jazdy jeli qoldanýshylar.
Qalalyq josparlaý jáne ýrbanıstıka basqarmasy Qazaqstan Respýblıkasynyń zańnamasyna sáıkes qurylys salýshyǵa turǵyn úı kesheninin jobaǵa deıingi qujaty berilgenin habarlady.
«Qurylys bastalǵanǵa deıin joba Qazaqstan Respýblıkasynyń qurylys normalary men erejelerine sáıkestigine mindetti memlekettik saraptamadan ótedi», - dep habarlady basqarmadan.
