Almatylyqtar trotýarda shashylyp jatqan qoldanylǵan shprıtske alańdaýshylyq bildirdi
ALMATY. QazAqparat – Qala turǵyndary trotýarda shashylyp jatqan qoldanylǵan shprıtsterdi vıdeoǵa túsirip aldy, dep habarlaıdy QazAqparat tilshisi.
Turǵyndar vıdeony áleýmettik jelide jarııalady.
Túrksib aýdanynyń ákimdigi narazylyq týdyrǵan jazbaǵa qatysty túsinik berdi.
«Qazirgi ýaqytta aýmaqty kommýnaldyq qyzmet tazartyp qoıdy. Atalǵan mekenjaı baqylaýda. Kósheni tazartý jumystary kommýnaldyq qyzmettiń moınynda.Seriktestik kúndelikti turmystyq qaldyqtardy anyqtaý úshin kóshelerdi tekseredi, sodan keıin sanıtarlyq tazartý jumystaryn júrgizedi», - dep jaýap berdi aýdan ákimdigi.
