Almatylyqtar tropıkalyq sýsyn ázirleýde rekord ornatty
ALMATY. QazAqparat - «Medeý» muz aıdynynda jańa rekord ornatyldy, dep habarlaıdy «QazAqparat» tilshisi.
Keshe keshqurym ashyq aspan astynda ornalasqan «Medeý» muz aıdynynda Qazaqstandaǵy eń úlken alkogolsiz tropıkalyq kokteıl daıyndaldy.
Nátıjesinde kokteıl toltyrylǵan alyp staqannyń jalpy salmaǵy 178,2 kelini qurady.
«Sýsyndy daıyndaýǵa 5 adam qatysty, taǵy úsheýi qosalqy jumystarmen aınalysty. Olar kásibı barmender. Bul kúnge bir aı daıyndaldyq. Іs-shara ákimdiktiń qoldaýymen ótti. Eń úlken tropıkalyq sýsyndy ázirleý rekordy Qazaqstanda tuńǵysh ornatyldy», - dep atap ótti uıymdastyrýshylardyń biri Ánel Erimbetova.
Atap ótilgendeı, kokteıl klassıkalyq retsepti boıynsha daıyndaldy. Oǵan 13 keli laım, 17 keli jalbyz, 65 lıtrge jýyq gazy bar mıneraldy sý, sondaı-aq muzdatylǵan búldirgen men muz jumsaldy.
Aıta ketsek, 2008 jyly AQSh-tyń Oklohama shtatynda 3800 lıtrlik kokteıl ázirlengen bolatyn. Ony jasaýǵa 11 700 lımon, 476 keli qant pen 2 637 lıtr sý ketken. Al Gınnes rekordtar kitabyna engen
eń úlken alkogolsiz sútti kokteıl Amerıkada 2011 jyly ornatyldy. Onyń kólemi 64 myń lıtrdi qurady.
Fotosýretterdi Almaty Aqparattyq-sporttyq haby usyndy.
