Almatylyqtar Tele 2 jáne Altel kompanııalarynyń qyzmetine shaǵymdanyp jatyr
ALMATY. QazAqparat - Almatylyqtar Tele 2 jáne Altel operatorlarynyń qyzmetindegi aqaýǵa shaǵymdana bastady, dep habarlaıdy QazAqparat tilshisi.
Áleýmettik jeli qoldanýshylary «Tiril, Tele 2» syndy ázilder de shyǵara bastady.
Tele 2 kompanııasy aqaýǵa qatysty túsinik berdi.
«Jelide aqaý tabyldy. Dybystyq jáne SMS qyzmet túrleri qalpyna keltirildi. Qazir mobıldi ınternetti qalpyna keltirip jatyrmyz. Jeliniń isten shyǵý sebepteri anyqtalýda», - dedi Tele 2 kompanııasynyń PR-menedjeri Oljas Bıbanov.
Osy máselege qatysty Altel kompanııasy da túsinik berdi.
«Apatty qalpyna keltirý jumystarynyń júrgizilýine baılanysty keı ýaqyttarda uıaly baılanys jáne Internet qyzmeti shektelýi múmkin. Jelidegi aqaý jaqyn ýaqytta qalpyna keltiriledi. Qolaısyzdyqtar úshin keshirim suraımyz», dep jazylǵan «Altel» kompanııasynyń Facebook jelisindegi paraqshasynda.
