Almatylyqtar Táýelsizdik monýmentine gúl shoqtaryn qoıdy

ALMATY. QazAqparat - Almaty ákimi Erbolat Dosaev bastaǵan qala jurtshylyǵy Táýelsizdik monýmentine gúl shoqtaryn qoıdy, dep habarlaıdy QazAqparat tilshisi.

Táýelsizdik monýmenti aldyndaǵy saltanatty sharaǵa qala turǵyndary, ardagerler, qoǵamdyq uıymdar men etnomádenı birlestikterdiń ókilderi, 1986 jyly jeltoqsan oqıǵasyna qatysýshylar qatysty.

Іs-sharaǵa qatysýshylar memlekettiń táýelsizdigi jolynda óz ómirin qıǵandardy 1 mınýt únsizdikpen eske aldy.

Saltanatty rásim Almaty óńirlik garnızony áskerı-úrmeli orkestri jáne sarbazdarynyń Qazaqstan Respýblıkasy Gımn oryndaýymen aıaqtaldy.

Aıta keteıik, Táýelsizdik monýmenti Respýblıka alańynda 1996 jyly 16 jeltoqsanda ashylǵan bolatyn.

Búgin Qazaqstannyń Táýelsizdigine 31 jyl toldy.