Almatylyqtar «Taǵzym» memorıalyna gúl shoqtaryn qoıdy
Sharaǵa qala basshysy, qoǵam qaıratkerleri men almatylyqtar qatysty.
Din qyzmetkerleri marqumdardyń rýhyna quran baǵyshtap, beıbitshilik pen kelisimniń mańyzy týraly ýaǵyz aıtty.
Jınalǵandarǵa meshitterdegi asqa barý úshin kólik daıyndaldy. Búgin qala meshitterinde qurbandyq shalynyp jatyr.
Sonymen qatar, Almaty ákimi Erbolat Dosaev, qoǵam qaıratkerleri men shyǵarmashylyq zııaly qaýym ókilderi qańtar oqıǵasy kezinde qaza tapqandarǵa Almatynyń ortalyq meshitinde quran baǵyshtap, qurban shaldy.
Aıta keteıik, 23 jeltoqsan kúni Qasym-Jomart Toqaev Almaty qalasyna jumys sapary barysynda, qańtar oqıǵasynyń qurbandaryna arnalǵan «Taǵzym» memorıalynyń ashylý rásimine qatysqan bolatyn.
«Taǵzym» memorıaly – kóp satyly sáýlet kesheni. Bul eskertkish ártúrli tústen turatyn tórt emotsıonaldy-arhıtektýralyq bólikke bólinedi. Atap aıtqanda, aqshyl sur bóligi eńserýdi, qara tús qańtar oqıǵasy kezindegi dúrbeleń men úreıdi beıneleıdi, al sur bóligi – qurban bolǵandar men tógilgen qannyń, adam shyǵynynyń sımvoly, aq tús turaqtylyq pen damýǵa umtylýdy, qoǵamnyń ál-aýqatyn, ulttyń ózin-ózi tanýyn, kúsh pen ádiletti memleketke degen senimdi bildiredi. Ár bólikte halqymyzdyń uly tulǵalarynyń qanatty sózderi jazylǵan tastar men stellalar ornatylǵan.
Jobanyń avtorlary – qazaqstandyq jas sáýletshiler Alekseı Ivjenko jáne Ǵaını Saǵıdýllaeva.
Foto: Almaty ákimdiginiń baspasóz qyzmeti
