Almatylyqtar Sultan Sartaevty sońǵy saparǵa shyǵaryp saldy
ALMATY. QazAqparat - Almatyda jurtshylyq belgili akademık, qoǵam qaıratkeri Sultan Sartaevty aqtyq saparǵa shyǵaryp saldy, dep habarlaıdy QazAqparat tilshisi.
Qaraly jıynǵa marqumnyń jaqyndary, shákirtteri, zııaly qaýym ókilderi, Almaty qalasynyń ákimi Baqytjan Saǵyntaev qatysty.
«Sultan Sartaevtyń Qazaqstan memlekettiliginiń qalyptasýyna qosqan úlesi sheksiz. Ol quqyq qorǵaý, zań júıesinde ólsheýsiz eńbek etip, óte daryndy, bilikti mamandar daıyndady»,- dedi qala ákimi qaraly jıynda.
Eske salsaq, tanymal ǵalym, Qazaqstan Ǵylym akademııasynyń akademıgi Sultan Sartaevtyń dúnıeden ótýine baılanysty Elbasy men QR Prezıdenti onyń otbasy men jaqyndaryna kóńil aıtý jedelhattaryn joldaǵan bolatyn.
