Almatylyqtar sheteldik kólikterdi zańdastyrýǵa qatysty óz oılaryn aıtty
ALMATY. QazAqparat – Almatylyqtar elimizde sheteldik kólikterdi zańdastyrýǵa qatysty oılarymen bólisýde, dep habarlaıdy QazAqparat tilshisi qalalyq polıtsııa departamentine silteme jasap.
Arnaıy HQO-ǵa kishkentaı ulyn erte kelgen almatylyq Mahabbat esimdi áıel kólikterdi zańdastyrý protsessi tez ótkenin aıtty.
«Biz rásimdedik, qazir nómir alyp jatyrmyz. Jalpy, bul protses óte tez ótti. Bizdiń kólikter Qazaqstanda bolǵandyqtan, Úkimet olardy zańdastyrýǵa múmkindik berdi. Bul durys boldy. Biz kólikti aqshaǵa satyp aldyq, bul aqsha qazir ózin aqtap otyr. Memlekettik baj salyǵy da oryndy», – dedi Mahabbat.
Almaty turǵyny Dmıtrıı qazir sheteldik kólikter kóbeıgen tusta bastalǵan jaqsy naýqan ekenin aıtty.
«Men onlaın ótinish berdim, keıin kólikti zańdastyrýǵa bolatyny jóninde habarlama keldi. Keldim, ótinishti aldym, tekserý rásiminen ótsin dedi. Óte jaqsy naýqan, ásirese qazir sheteldik kólikter óte kóp ýaqytta. Olardy zańdastyrsa jaqsy bolar edi. Tıisinshe, barlyǵy salyq tóleıtin bolady, kólik nómirleri Qazaqstanda tirkeletindikten, jol erejesin buzý da azaıady», - dedi Dmıtrıı.
Al shetelden ákelingen kólikterdi zańdastyrý jumystarynyń tıimdiligi jaıynda Almaty qalalyq ákimshilik polıtsııa Basqarmasynyń bastyǵy, polıtsııa polkovnıgi Nurlan Amanbek aıtyp berdi.
«QR Prezıdentiniń tapsyrmasyna sáıkes, Eýroodaq elderinen ákelingen kólikterdi zańdastyrý týraly sheshim qabyldandy. Ótinish berýdiń úsh túri bar. Bul egov.kz portaly arqyly, ekinshi deńgeıli bank qosymshasy arqyly, sondaı-aq, Arnaıy HQO-ǵa habarlasý arqyly. Bul jumystar óte tıimdi. Árbir ótinish jeke óńdeledi. Zańdastyrý aıaqtalǵansha bul protsess jetildiriletin bolady. Eń bastysy – azamattar rıza», - dedi ol.
Almaty qalalyq polıtsııa departamentiniń málimetinshe, búgin Almatyda tań atqannan beri Arnaıy halyqqa qyzmet kórsetý ortalyqtarynda shetelden ákelingen 10 avtokólik tirkeldi.
Eske salsaq búginnen bastap elimizde sheteldik avtokólikterdi zańdastyrý jumystary bastaldy.
Sheteldik kólikti zańdastyrý naýqany aıasynda alǵashqy sheteldik kólik Almatyda tirkeldi.
Sondaı-aq búgin Almatyda sheteldik kólikterdi zańdastyrý úshin 84 adam HQO-ǵa júgindi.
Foto: Almaty qalalyq polıtsııa departamenti
