Almatylyqtar saıabaqta tańǵy fıtnes jattyǵý jasady
ASTANA. QazAqparat - Almatyda jańa Almaty Street Fitness fıtnes jobasy iske qosyldy, dep habarlaıdy QazAqparat qalanyń aqparattyq jáne sporttyq HAB-na silteme jasap.
Búgin tuńǵysh Prezıdent saıabaǵynda osy joba aıasynda alǵashqy jattyǵý ótti. 30-ǵa jýyq jınalǵan qala turǵyny birinshi azdap shynyǵyp, saıabaqta júgirdi, al sodan soń, negizgi jattyǵýlarǵa kiristi. Almaty Street Fitness barlyq qalaýshylarǵa «Fitness blitz» nusqaýshylarymen demalys kúnderi tegin sportpen shuǵyldanýǵa múmkindik beredi.
Uıymdastyrýshylardyń aıtýynsha, baǵdarlama keleshekte de óz jalǵasyn tabady jáne mundaı sharalar ár apta saıyn ótetin bolady. Óz kezeginde, qatysýshylar áserlerimen bólisip, alǵystaryn jetkizdi.
«Bizge óte unady, osyndaı jobanyń bastalǵanyna qýanyshtymyz. Nusqaýshylarmen birge taza aýada tańǵy jattyǵýdy keremet ótkizdik. Olar barlyǵyn túsindirip, kórsetti. Biz otbasymyzben birge sportpen shuǵyldanyp, salaýatty ómir saltyn ustanamyz. Bul sporttyq sharanyń apta saıyn ótkizilýi barlyǵy úshin sportpen durys ári tegin shuǵyldanýǵa múmkindik beredi», - dedi qala turǵyny Aıman Jumahmetova.
Jobanyń basty maqsaty - qala turǵyndary men qonaqtaryn durys tamaqtaný men jattyǵý erejelerimen tanystyrý.
Bul sharaǵa barlyǵy tegin qatysa alady. Jattyǵýlar «Sporttyq Almaty» baǵdarlamasy aıasynda iske asyrylady. «Fitness blitz» nusqaýshylarymen ótetin sheberlik sabaqtary ár apta saıyn, demalys kúnderi ótkiziledi. Aıta keter jaıt, ótkizilý orny ózgerýi múmkin, keshki jattyǵýlar da qarastyrylǵan.
Buqaralyq jattyǵýdyń ótkizilý orny men ýaqytyn almatysports.kz saıtynan jáne de áleýmettik paraqshalardan bilýge bolady.
