Almatylyqtar Reseıdiń Bas konsýldyǵynyń aldyna gúl shoqtaryn qoıyp jatyr
ALMATY. QazAqparat - Almatylyqtar Sankt-Peterbýrg qalasynda bolǵan teraktige baılanysty qaza tapqandar men japa shekkenderderdiń qaıǵysyna ortaqtasyp, Reseı Federatsııasynyń Bas konsýldyǵynyń aldyna gúl shoqtaryn qoıdy, dep habarlaıdy QazAqparat tilshisi.
Almatylyq Anna Kachalova Reseı halqyna óz atynan kóńil aıtyp, qarapaıym qazaqstandyq retinde qaıǵylarymen ortaqtasty. Ol Sankt-Peterbýrg qalasynda jaqyn dostary men týystary turatynyn aıtty.
«Oqıǵany estı sala men jaqyndaryma telefon soǵyp, amandyqtaryn bildim», - dedi Anna Kachalova.
Eske sala keteıik, Sankt-Peterbýrg qalasynyń metrosynda 3 sáýir kúni jarylys boldy. Sońǵy málimet boıynsha, 14 adam qaza taýyp, 50 adam jaraqattandy.
Aıta keteıik, Sankt-Peterbýrg qalasyndaǵy jarylystan keıin Almaty metrosynda qaýipsizdik sharalary kúsheıtildi.
QR UQK málimeti boıynsha, Reseı qalasynda bolǵan jarylysty Ortalyq Azııadan shyqqan adam jasaǵan bolýy múmkin.
