Almatylyqtar referendým ýchaskelerine saǵat jeti bolmaı jınaldy

ALMATY. QazAqparat - Almatyda Ata zańymyzǵa engiziletin ózgerister men tolyqtyrýlarǵa qatysty daýys berý bastaldy. Búgin qaladaǵy ýchaskeler ashylmaı jatyp, referendýmǵa qatysýǵa kelgen almatylyqtar qarasy qalyń boldy, dep habarlaıdy QazAqparat tilshisi.

Almatyda alǵashqy referendým ýchaskesi tańǵy saǵat 6.00-de ashyldy. Al daýys berý saılaý zańnamasynda bekitilgen tártip boıynsha saǵat 7.00-de bastaldy. El tarıhyndaǵy eleýli oqıǵaǵa beıjaı qaramaı, óz daýsyn berýge kelgen qala turǵyndarynyń kóńil-kúıi kóterińki.

Solardyń biri Danııar Tleýberdıev.

«Menim jasym 27-de. Osy ýaqytqa deıin eshqandaı saıası naýqannan tys qalǵan emespin. El tarıhyndaǵy eleýli oqıǵaǵa beı-jaı qaramaı belsendi qatysý – árbir azamattyń basty boryshy dep sanaımyn. Sebebi bul – búgingi Qazaqstannyń ǵana emes, keleshek urpaqtyń taǵdyryna tikeleı áser etetin mańyzdy sát», - deıdi Danııar Tleýberdıev.

№ 359 referendým komıssııasynyń tóraǵasy Aıymgúl Imanǵalıevanyń aıtýynsha, saılashýlarǵa barlyq jaǵdaı jasalǵan.

«Bizdiń saılaý ýchaskesinde 2051 adam tirkelgen. Almatylyqtar belsendi atsalysyp jatyr. Tórt baqylaýshy jumys isteýde. Barlyq saılaý normalaryn qatań qadaǵalaımyz», - deıdi Aıymgúl Imanǵalıeva.

Megapolıste 574 referendým ýchaskesi ashylǵan.