Almatylyqtar referendým ótkizýge qajetti daýysty tolyq jınap bolady - Mahambet Beıdáli
ALMATY. 30 jeltoqsan. QazAqparat /Erlik Erjanuly/ - Almatylyqtar QR Prezıdentiniń ókilettiligin 2020 jyldyń 6 jeltoqsanyna deıin uzartý jónindegi referendým ótkizýge qajetti 200 myń adamnyń qolyn jınaýdy eń ary degende erteń túske deıin aıaqtaıdy.
Bul týraly "Nur Otan" HDP qalalyq fılıaly tóraǵasynyń birinshi orynbasary Mahambet Beıdáli búgin "Almaty Sý Holdıngi" MKK-nyń bastaýysh partııa uıymynyń esep berý -saılaý jınalysynda aıtty.
"Almatylyqtar elimizdiń Tuńǵysh Prezıdenti Nursultan Nazarbaevtyń prezıdenttik ókilettiligin 2020 jylǵy 6 jeltoqsanǵa deıin uzartý týraly referendým ótkizý bastamasyn qyzý qoldaýda. Sol sebepti referendým ótkizýge qajetti 200 000 mejeni biz búgin, eń arysy erteń túske deıin aıaqtaımyz", - dedi Mahambet Beıdáli.
"AlmatySýHoldıngi" memlekettik kommýnaldyq kásipornyndaǵy "Nur Otan" HDP-nyń bastaýysh partııa uıymynyń tóraǵasy Qýanyshkeldi Bazylovtyń aıtýynsha, óndiris ornynda 375 múshe bar. Olar bastamashyl toptyń 23 jeltoqsanda Óskemendegi respýblıkalyq basqosýda kótergen usynysyna ózderiniń qoldaý kórsetetin bildirip otyr. Ony bul basqosýdyń kún tátibinde qaralatyn negizgi máselelerdiń qataryna engizgen partııa músheleri búgin óz sheshimderin shyǵardy.
