Almatylyqtar ONAY qyzmet kórsetý ortalyǵynyń jumysyna shaǵymdandy
Almatylyqtar ONAY qyzmet kórsetý ortalyǵynyń jumysyna shaǵymdandy. «Ońaı» biryńǵaı kólik kartasyn satyp alýǵa uzyn-sonar kezek paıda boldy. Onyń vıdeosy áleýmettik jelide tarady.
«Kólik karatasyn alýǵa kelgender óte kóp. Kezek baıaý qozǵalady. Adamdar 3-4 saǵat turýǵa májbúr. Keshki saǵat 18.00-de esikter jabylady. Qalanyń shet jaǵynan keletinder bar. Olar birneshe kún boıy karta jasaı almaı júr» dep shaǵymdandy turǵyn.
Kompanııadaǵylar mán-jaıdy túsindirýge tyrysty.
«Jańa oqý jyly bastalysymen ONAY qyzmet kórsetý ortalyǵyna júginetin adamdardyń sany kóbeıdi. Uzyn-sonar kezek osyǵan baılanysty týyndap otyr. Qyzmet kórsetý ortalyqtary jaz boıy shtattyq rejımde jumys istedi. Oqýshy men stýdenterge arnalǵan karataǵa tapsyrysty oqý oryndary men mektepter jazdan bastap berdi. Sonymen birge, jolaýshylardyń basym bóligi ONAY karatasyna tapsyrysty osy qyrkúıek aıynda berip jatyr.
ONAY qyzmet kórsetý ortalyǵynyń qyzmetkerleri fızıkalyq turǵyda úlgermeı jatyr. Kúnine júzden astam ótinish túsedi. Desekte, qyzmet kórsetý máselesin sheshý úshin barlyq sharalardy qoldanamyz»,-dep habarlady ONAY qyzmet kórsetý ortalyǵynan .