Almatylyqtar Naýryzdy sán-saltanatpen toılap jatyr - fotoreportaj

ALMATY. QazAqparat- Almatylyqtar Ulystyń uly kúnin bar sán-saltanatymen qarsy alyp jatyr, dep habarlaıdy QazAqparat tilshisi.

Merekelik shara tańerteń ulttyq naqyshtaǵy sherýmen bastalyp, oǵan 500-ge jýyq adam qatysty. Almatynyń ortalyq kósheleri – Abaı jáne Abylaı han dańǵyldarymen Tóle bı kóshesine deıin epos, ańyz ben ertegilerdiń keıipkerleri júrip ótti.

Naýryz meıramy qalanyń barlyq aýdandarynda bir mezgilde toılanyp jatyr. Naýryz kóje men baýyrsaq tegin taratylýda.
Jaıaý júrginshiler kóshelerinde kıiz úıler tigilip, qolóner jármeńkesi, meıramhanalar alleıasy, sýretshiler kórmesi men balalar aımaqtary uıymdastyryldy.
«Astana» alańynda otandyq juldyzdardyń qatysýymen Naýryz-Dýman gala-kontserti ótýde. Sonymen qatar almatylyqtar men qala qonaqtaryna teatrlandyrylǵan qoılym usynyldy.
Budan bólek, qalada sporttyq oıyndar ótip jatyr. Kez kelgen adam arqan tartý, kir tasy men qoshqar kóterý oıyndaryna qatysyp, baǵaly syılyqtar utyp ala alady.
Megapolıste Naýryz meıramy sán- saltanatymen toılanyp jatyr.