Almatylyqtar Naýryzdy qalaı toılaıdy
ALMATY. QazAQparat - Almatylyqtar Naýryz merekesin bıyl jańa formatta toılamaq, dep habarlaıdy QazAqparat tilshisi.
Qalada Halyqaralyq áıelder kúni - 8 naýryz merekesi aıaqtalysymen bir aı boıyna atalyp ótetin «Naýryz-2018» merekesine daıyndyq sharalary bastalady.
Negizgi merekelik sharalar megapolıstiń birneshe alańdarynda 22 - 25 naýryz aralyǵynda saǵat tańǵy 10:00-den keshki 21:00-ge deıin ótedi.
Astana alańynda jyl saıynǵy dástúrli úlken merekelik kontsert, ulttyq as máziri festıvali ótedi. Jalpy, bul kúnderi alańda 6 kıiz úı tigiledi. 14 ınstallıatsııa («kerege quraq», «qos», «abylaısha») ornatylady, balalar jáne sport oryndary, saýda shatyrlary, fýdkorttar, 1200 oryndyq kórermender trıbýnasy uıymdastyrylady. Negizgi merekelik kontsertke TMD-nyń 6 elinen jáne Túrkııadan 500-den astam ártis pen 1500 erikti qatysady.
Mereke feıerverkke ulasady.
Jańarǵan Panfılov jáne Jibek Joly kóshelerinde 22-25 naýryz kúnderi saǵat tańǵy 10:00 men keshki 22:00 aralyǵynda merekelik sharalar bolady. Bul kúnderi munda 120 000-nan astam adam keledi.
Aıta keteıik, 2016 jyly kópultty «Naýryz» jobasy ıÝNESKO-nyń materıaldy emes mádenı murasynyń reprezentatıvti tizimine engen bolatyn. Bul bastamaǵa 12 el: Iran, Qazaqstan, Ázerbaıjan, Ózbekstan, Qyrǵyzstan, Túrkııa, Úndistan, Pákistan, Aýǵanstan, Irak, Túrikmenstan jáne Tájikstan qoldaý bildirdi.
Endi sheteldikter jańarǵan Panfılov kóshesinde kıiz úı tigý, qysh, keramıka, kıizden, meheneden buıymdar jasaý boıynsha arnaıy sheberlik klastaryn ótkizedi.
Sonymen qatar, altyn jippen buıym tigý, orteke, shyrdaq, zergerlik buıymdar men shyny jasaý klasstary da uıymdastyrylady. Bulardan ózge teatrlandyrylǵan «Kósh kerýeni» júredi.
22 naýryzda Júrgenov akademııasy janyndaǵy sahnada ótetin kontserttik baǵdarlamada Óner akademııasynyń stýdentteri óner kórsetedi.
Sonymen qatar qalanyń joǵary oqý oryndary arasynda «Án báıge» atty avtorlyq án konkýrsy, «Bıle-bıle» kóńil kóteretin shara men «Áz Naýryz Alataý alabynda» atty teatrlandyrylǵan qoıylym kórsetiledi.
22 naýryzda merekelik baǵdarlama Atletter aýylynda jalǵasady.
Onda sport sektsııalary men «Disco stılindegi Naýryz» kontsertine qatysýshylar úshin túrli utystar men baıqaýlar ótedi. Belsendilikti attyrý maqsatynda qazaq kúresinen, djıý-djıtsýdan, taekvondodan, karateden, bokstan jarystar uıymdastyrylyp, sportshylar túrli ádisterdi kórsetedi. Atalǵan saıysqa nıet bildirýshiler de qatysa alady. Shahmattan, toǵyz qumalaqtan sheberlik synyptary ótedi, horeografııa stýdııalary qara jorǵa, qamajaı jáne basqa bılerdi usynady, bı batly boıynsha fleshmob uıymdastyrylady.
Mýzykalyq stýdııa úzilister kezinde dombyramen kúı shertedi, hokkeı akademııasy naǵyz hokkeı matchyn ótkizedi. Bulardan ózge toptyq jarystar da ótedi, olar: estafetalar, stol tennısi, úrlengen batýt, armreslıng, arqan tartý, obrých, arqanmen sekirý, asyq atý, anımatorlardyń qatysýymen túrli sharalar, belsendi ınteraktıv: shyńǵa órmeleý, sadaq atý, boýlıng, darts jáne basqalary. Otty shoý usynylyp, ıllıýzıonıster, sıqyrshylar óner kórsetedi.
22 naýryzda «Almaty Arena» mańynda «Naýryz - búkilálemdik mádenı mura» baǵdarlamasy ótedi. Aspazdyq sheberlik synyptarynda sheteldik qonaqtar as pisirýdiń qyr-syryn úıretedi.
Ázerbaıjan aspazdary - lavashta kúrish, pahlava men boıalǵan jumyrtqa; túrik aspazdary - shpınatty bórek, lýkým; túrikmen aspazdary - chýrek, pıshme, chapad, kúlshe, táttiler; aýǵan aspazdary - jeti jemistiń kompotyn; ózbek aspazdary sýmalıak pen «Naýryz kóje»; ıran aspazdary boıalǵan jumyrtqalar men qurǵaq jemister, káýap; tájik aspazdary tátti kúrish; úndi aspazdary «tandaı» sýsynyn, Azııa as máziri wok-kespeni; grýzın aspazdary hachapýrıin, káýaptaryn; al qazaqtyń as mázirinen «Naýryz kóje», baýyrsaq, Qattama pisirip úıretetin bolady.
Bulardan ózge, «Almaty Art Center» aldyna saýda alańy uıymdastyrylyp, onda qonaqtarǵa "Qazaq Oner" ortalyǵynyń ulttyq sývenırleri, kıimder, mýzyka aspaptary usynylady.
23 naýryzda «Almaty Arenada» «DIDCO stılindegi Naýryz» atty úlken kontsert ótedi, onda álemge tanymal BACCARA, KEVIN MCCOY EX BAD BOYS BLUE, LONDONBEAT, OTTAWAN, SOUNDS OF BONEY M SHEYLA BONNICK, SECRET SERVICE, JOY, ARABESQUE ORIGINAL MICHAELA ROSE jáne basqalary óner kórsetedi.
Jibek Joly boıyndaǵy sahnada 24-naýryzda «Naýryz-Dýman» ótedi. Munda 11:00-den 17:00-ge deıin QR Sýretshiler Odaǵy sheberleri men jas sýretshilerdiń birikken pleneri, 19:00-21:00 aralyǵynda - «Open air cinema» ótedi. Kópshilikke Sh. Aımanovtyń retrospektıvti kınolary men Qazaqstannyń materıaldy emes mádenı murasy bolyp tabylatyn «Qyz Jibek», «Orteke», «Kıiz basý», «Qorqyt Ata murasy: Epıkalyq mádenıet jáne mýzyka», «Qazaqtyń zergerlik buıymdary», «Keste», «Asyq atý» jáne basqa fılmder kórsetiledi.
