Almatylyqtar Naýryzda 25 tonna baýyrsaq pen kójeden dám tatady
ALMATY. QazAqparat - Almatyda Naýryzdy toılaý barysynda 25 tonna baýyrsaq , 25 tonna naýryz kóje jáne 5 tonna palaý daıyndalady, dep habarlaıdy QazAqparat tilshisi.
Qazaqtyń ulttyq taǵamdarynan «Astana», Almaty Arena aldyndaǵy alańdarda, Panfılov jáne Jibek Joly kóshelerinde, Atletter aýylynda jáne barlyq aýdandarda dám tatýǵa bolady.
Qalanyń 46 bazary 20 naýryz-21 sáýirge deıin bir aıǵa jýyq aralyqta ulttyq merekeni toılaıdy.
«Naýryz meıramyn 46 bazar óz alańdarynda 2 ret atalǵan kezeń ishindegi bir kúnde uıymdastyrady. Bazarlardyń barlyǵy 8 tonna naýryz-kóje, 25 myń tonna palaý, 12 tonna baýyrsaq daıyndaıdy», - dedi Almaty qalasynyń kásipkerlik jáne ındýstrıaldy-ınnovatsııa damý basqarmasynan.
Budan basqa, merekelik quttyqtaýǵa qalanyń barlyq meıramhanalary da qatysady. Qoǵamdyq tamaqtaný oryndarynyń barlyǵynda 555 teńgelik arnaıy Naýryz as máziri jasalyp, ol bir aı boıy saqtalatyn bolady.
Atap aıtqanda, kóptegen meıramhanalarda Naýryz kóje men baýyrsaq tegin taratylatyn bolady.
Eske salsaq, qala turǵyndary men qonaqtary úshin ulttyq as taǵamdaryn ázirleý boıynsha taqyryptyq festıvalder uıymdastyrylady.
