Almatylyqtar muqtaj jandarǵa artyq kıimderin tapsyryp jatyr
ALMATY. QazAqparat - Almatyda áleýmettik jaǵdaıy tómen otbasylarǵa kıim jınaý sharasy uıymdastyryldy, dep habarlaıdy QazAqparat tilshisi.
Almatynyń halyq kóp jınalatyn oryndarynda áleýmettik jaǵdaıy tómen otbasylar úshin kıimder men aıaq kıimder jınaýǵa arnalǵan arnaıy belgisi bar qoraptar qoıyldy.
Uıymdastyrýshylardyń aıtýynsha, bul sharanyń negizgi maqsaty - muqtaj adamdarǵa kómektesý. Ol úshin arnaıy belgilengen qoraptar qoıyldy. Oǵan qala turǵyndary qaldyryp ketken kıimder suryptalyp, jýylyp, útiktelgennen keıin ǵana áleýmettik qamtý ortalyqtaryna jiberiledi. Ol jerden asyraýshysynan aıyrylǵan balalar men jasóspirimderge jáne az qamtylǵan, áleýmettik jaǵdaıy tómen otbasylarǵa úlestirý úshin arnaıy uıymdarǵa jiberiledi.
«Qaıyrymdylyq dúkeni degen bar, onda tanymal tulǵalardyń turmystyq buıymdary men kıimderi satylyp, odan túsken qarjy muqtaj jandarǵa beriledi», - deıdi uıymdastyrýshylar. Al, atalǵan qaıyrymdylyq aktsııasynyń basty ereksheligi arnaıy qoraptarǵa adamdardyń jeke zattary, ydys-aıaq, turmystyq tehnıka, dári-dármek, azyq-túlikteri alynbaıdy.
Uıymdastyrýshylardyń aıtýynsha, aktsııa aıasynda qazirgi ýaqytta 70 otbasyna kómek kórsetilgen.
